Սմարթֆոնի խաղարկության անցկացման և կազմակերպման կանոններ
1. Խաղարկության նկարագրություն
«Վիվա Արմենիա» ՓԲ ընկերությունը (այսուհետ նաև` «Կազմակերպիչ») իր 20-ամյակի կապակցությամբ իրականացնում է խաղարկություն, որի շրջանակում կխաղարկի 5 հատ «iPhone 16 Pro» 128 ԳԲ սմարթֆոն: Խաղարկությունն իրականացվում է «Վիվա Արմենիա» ՓԲ ընկերության կողմից մշակված ծրագրային ապահովման միջոցով:
2. Խաղարկության Կազմակերպչի անվանումը և իրավաբանական հասցեն
«Վիվա Արմենիա» ՓԲԸ, Արգիշտի փ., 4/1 շ., 0015 Երևան, Հայաստանի Հանրապետություն
3. Խաղարկության մասնակիցները
Խաղարկությանը կարող է մասնակցել ցանկացած ֆիզիկական անձ (բացառությամբ «Վիվա Արմենիա» ՓԲԸ և «ՄոբիԴրամ» ՓԲԸ աշխատակիցների): Իրավաբանական անձինք խաղարկությանը չեն կարող մասնակցել:
4. Խաղարկության անցկացման կարգը
- 4.1. Խաղարկությանը մասնակցելու համար 2025թ.-ի հուլիսի 1-ից մինչև հուլիսի 31-ը (ներառյալ) մասնակիցը «Վիվա Արմենիա» ՓԲ ընկերության սպասարկման կենտրոններից` կանխիկ կամ ապառիկ եղանակով պետք է ձեռք բերի ցանկացած սմարթֆոն: Գործարքը կատարելու պահին մասնակիցը պետք է Կազմակերպչին հայտնի իր կոնտակտային հեռախոսահամարը՝ հաղթելու դեպքում կապ հաստատելու համար: Գործարքը կատարելուց հետո մասնակիցը պետք է պահպանի (չվաճառի, չնվիրաբերի կամ այլ կերպ չօտարի) գնված սմարթֆոնը, ՀԴՄ կտրոնը և վաճառքի անդորրագիրը:
- 4.2. Սույն կանոնների 1-ին կետում նշված սմարթֆոնների խաղարկությունը տեղի է ունենալու առցանց («Վիվա Արմենիա » ՓԲԸ ֆեյսբուքյան և ինստագրամյան պաշտոնական էջերում)՝ 2025թ.-ի օգոստոսի 25-ին՝ ժամը 15:00-ին, որի ժամանակ «Վիվա Արմենիա» ՓԲԸ կողմից մշակված ծրագրային ապահովման միջոցով պատահականության սկզբունքով կընտրվեն և կհրապարակվեն շահող մասնակիցների կողմից գնված սմարթֆոնների IMEI կոդը:
- 4.3. Խաղարկության ընթացքին և արդյունքի հրապարակմանը հնարավոր է հետևել «Վիվա Արմենիա» ՓԲԸ ֆեյսբուքյան և ինստագրամյան պաշտոնական էջերում:
- 4.4. Շահումը հրապարակելու օրվանից սկսած՝ 7 օրացուցային օրվա ընթացքում շահող մասնակիցը շահումը ստանալու համար պետք է ներկայանա «Վիվա Արմենիա» ՓԲԸ Գլխամասային կամ այն Սպասարկման կենտրոն, որտեղից ձեռք էր բերել սմարթֆոնը: Շահող մասնակիցը պետք է ներկայացնի անձը հաստատող փաստաթուղթ (անձնագիր կամ նույնականացման քարտ), ինչպես նաև այն սմարթֆոնը, որի IMEI կոդը ընտրվել է խաղարկության արդյունքում, ինչպես նաև համապատասխան ՀԴՄ կտրոնը և վաճառքի անդորրագիրը:
- 4.5. Սույն կանոնների 4.4. կետում սահմանված ժամկետում շահող մասնակցի կողմից «Վիվա Արմենիա» ՓԲԸ Գլխամասային կամ Սպասարկման կենտրոն չներկայանալու կամ վերջինիս կողմից նույն կետով նախատեսված փաստաթղթերը, գնված սմարթֆոնը, ՀԴՄ կտրոնը կամ վաճառքի անդորրագիրը չներկայացնելու դեպքում խաղարկության արդյունքը տվյալ շահումի մասով չեղյալ կճանաչվի, ինչի մասին տեղեկությունը կհրապարակվի Կազմակերպչի www.viva.am պաշտոնական կայքում՝ սույն կանոնների 4.4. կետում նշված ժամկետի ավարտից հետո 2 աշխատանքային օրվա ընթացքում:
5. Այլ պայմաններ
- 5.1. Խաղարկությանը մասնակցությունը (այդ թվում՝ սույն կանոնների 4.1. կետում նշված տվյալների ներկայացումը, հաղթելու դեպքում մրցանակը ստանալը և այլն) համարվում են մասնակցի կողմից սույն կանոնների անվերապահ ընդունում:
- 5.2. Սույն կանոնները, դրանցում հետագա փոփոխությունները (առկայության դեպքում) և խաղարկության վերաբերյալ ամբողջական տեղեկությունը հրապարակվում են www.viva.am պաշտոնական կայքում:
- 5.3. Հաշվի առնելով այն հանգամանքը, որ թափանցիկության ապահովման նպատակով խաղարկությանը մասնակցության ընթացքում՝ մինչև մրցանակը ստանալու պահը, մասնակիցներին անհատականացնող տվյալները (անունը, ազգանունը, անձնագրային տվյալները և այլն) չեն ֆիքսում Կազմակերպչի համակարգերում և շահող մասնակիցների ընտրությունն իրականացվում է միայն պատահականության սկզբունքով սմարթֆոնի IMEI կոդն ընտրելով՝ Կազմակերպիչը որևէ պատասխանատվություն չի կրում շահող սմարթֆոնը փաստացի ձեռք բերած և սույն կանոնների 4.4. կետում նշված կարգով Կազմակերպչի «Վիվա Արմենիա» ՓԲԸ-ի Գլխամասային կամ Սպասարկման կենտրոն ներկայացած անձանց միջև հնարավոր վեճերի համար: Բոլոր դեպքերում խաղարկության հաղթող է ճանաչվելու սույն կանոնների 4.4. կետում նշված կարգով Կազմակերպչի «Վիվա Արմենիա» ՓԲԸ Գլխամասային կամ Սպասարկման կենտրոն ներկայացած անձը:
